2018 жылдың 10 қазаны күні, Әуезов ауданының әкім аппаратының қатысуымен, ауданның Қоғамдық денсаулық сақтау басқармасының еңбек ұжымы ҚР Президенті Н. Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына ағымдағы жылдың 5 қазанындағы Жолдауын талқылады. 

Басқарма басшысының орынбасары Ж. Маденова сөз сөйлеп, Жолдаудың маңызыдылығы сонда, мемлекетіміздегі атқарылған істер қорытындыланып, алдағы уақытта атқарылар ауқымды жоспарларға бағдар жасалатынын айтты. 

Еліміз экономикасының әрі қарай өркендеуінің негізгі стратегиялық бағдарламасы болып табылатын Елбасының Жолдауының маңызы зор. Жолдаудағы өзекті мәселелер туралы да тарау-тараумен талқыланды. Әр қызметкер Жолдаудағы тапсырмаларды орындау үшін өз үлесін қосатын болды.