2018 жылдың 27 қыркүйегі күні, Әуезов ауданының № 13 округі бойынша жергілікті өзін-өзі басқару комитетінің төрағасы Миршат Баратовтың қатысуымен, коммуналдық-шаруашылық мәселелері бойынша, «Достық» ықшамауданының тұрғындарымен кездесу өтті. 

Кездесу барысында Миршат Баратов жылдың басынан бері атқарылған жұмыстар бойынша мәлімдеді. Сондай-ақ, көшелердің санитарлық тазалығы, жаңа су құбырлары трассасына қосылу, көшелерді асфальттау және сыртқы жарықтандыру жөнінде мәселелер талқыланды. 

Жиынға қатысушылар тарапынан көптеген ұсыныс-пікірлер айтылып, тұрғындар қойылған сұрақтарына жауаптар алды. Осы бағытта жұмыс ауданның барлық округтарында күн сайын өткізіліп тұрады.